OS PEQUENOS E PEQUENAS SEGUEN TRABALLANDO UN MONTÓN!
Bos días familias!
Estes días chegáronme moitísimas fotografías de todo o que están facendo os nenos/as e que é moitísimo e super ben!!
Como estas últimas entradas, ensínovos algunhas das tarefas para que os nenos/as poidan ir sabendo algo dos seus compañeiros/as, aos cales botan seguro de menos, e para coller ideas para poder realizar vós tamén.
En primeiro lugar, Adrián Lago realizou moitas actividades, algunha das cales foi manipulativa de contar decenas (encántanme 😍) e outras de problemas matemáticos, algo que se lle dá xenial pois é un crack cos números:
Pola súa banda, Adrián Otero fixo moitísimas actividades de escritura con múltiple material, como podedes ver...
... realizou actividades de inglés, de matemáticas coa axuda dun ábaco, manualidades,...
Outro neno que tamén estivo cociñando (porque na clase hai moitos lambóns 😋) foi Leo, que lle axudou a mamá a facer un biscoito que me dixo que estaba RIQUÍSIMO!
Ademais, realizou actividades de lóxica-matemática con diferentes xogos e materiais...
Unha nena que tamén realizou moitas tarefas foi Alma, que fixo actividades de matemáticas, de recoñecemento de letras,,... Fíxoo XENIAL! 😊
Un neno que tamén estivo adicando tempo as actividades foi Antón que fixo varias manualidades sobre animais... Quedáronlle super BEN!! 😍
Despois, escribiu varias palabras relacionadas cos animais:
Martín, ao igual que fixo Antón practicando a escritura, el tamén o fixo, pero neste caso escribiu a lista da compra en minúsculas cunha pequena axuda:
Martiño tamén me continúa mandando actividades que vai facendo e encántame que o siga levando a cabo. Algunha que me mandou estes días foi de lectura e escritura con textos de nenos/as supermaiores, practicando as minúsculas, a realización dunha sopa de letras co nome dos seus amigos/as,...
... fixo contas como as de Carlota...
... e un debuxo contra o coronavirus!!
Encántame todo o que fixo! 😍
A súa antiga compañeira de mesa, Sara, tamén estivo facendo varias tarefas como practicar matemáticas co Smartick, escribir con maiúsculas e crear unha pancarta para dar ánimos contra o coronavirus. Gústame todo MOITÍSIMO! 😊
Navia, ao igual que os outros pequenos e pequenas da aula, está realizando moitas tarefas: fai ioga, le contos,... Ademais, practicou os números estimando a froita e logo contándoa, escribiu palabras co seu nome e o de Cloe e buscou información sobre o seu animal favorito que é o tigre. Está todo XENIALÍSIMO!!😍
Finalmente, Lucía tamén realizou tarefas de todo tipo, sobre todo, de manualidades porque lle gustan moito. Algunha das que fixo foi: o arco da vella contra o coronavirus, pulseiras, animais con papel hixiénico,... Están XENIAL todas! 😍
Ademais, escribiu sobre o seu animal favorito que é a bolboreta, xogou ao bingo de animais con mamá, escribiu con letras imantadas,...
... e fixo educación física saltando na súa cama elástica, traballou no calendario, axudoulle a mamá a facer magdalenas (seguro que estaban riquísimas 😋) e moitas outras actividades!
Espero que vos gustara esta nova entrada e vos servira de inspiración.
Oxalá me sigades mandando tantas cousiñas bonitas!
Unha superaperta!
Comentarios
Publicar un comentario