NOVO RETO DO MEDIO AMBIENTE E TAREFIÑAS

- xuño 02, 2020

Bos días familias,

Que tal? Que fixéstedes onte? Seguro que pasear un montón e pasalo xenial! 😀

Como vos comentei na entrada de onte, esta semana vai ser toda adicada ao coidado do medio ambiente, coa finalidade de comemorar o seu día mundial o 5 de xuño.

Onte, o reto consistía en aprender un pouquiño máis sobre a natureza que nos rodea e facer estampacións con follas. Hoxe, pola súa banda, atende a un dos aspectos que axudan a coidala como é a reutilización, buscándolle unha nova funcionalidade a materiais de desfeito.

Por exemplo, crear xoguetes. Eu, en concreto, elaborei unha botella pirata, a cal é o voso RETO hoxe. Para elo, só se precisan de maneira esencial tres materiais:

Comecei collendo a botella e recortándoa un pouco máis da metade (coidado co borde):

Logo, debuxei a bandeira pirata, recorteina e fixen outra igual para o outro lado:

A continuación, debuxei o símbolo pirata, pinteino...

... e peguei ambas caras colocando o pau no medio:

Despois, collín un pouco de area e pedriñas e coloqueinas na base para que se me aguantara a vela na botella:

Finalmente, engadínlle un capitán pirata (eu empreguei plastilina) e a soltar áncoras:

Quédavos un xoguete xenial! 😍

Outra maneira de reutilizar tamén é, por exemplo, empregando botes que se acabaron para gardar cousas. Eu uso como almacenaxe de cores un bote de mascarilla do pelo:

Son formas diferentes pero moi útiles para o coidado da natureza porque implica non tirar residuos nin comprar outros que non precisamos!

Ademais do reto diario, hoxe saíron os gañadores do concurso Mareando historias e que se poden ver neste enlace...

https://www.edu.xunta.gal/centros/ceipcarnota/taxonomy/term/86

Como podedes ver, Noa quedou terceira. Felicidades! 😊

Atendendo ás TAREFAS, hoxe preséntovos en primeiro lugar as fotos que me mandou Martiño do que estivo realizando. Entre as distintas cousas, fixo o reto que vos propuxen onte pero estampando as follas con pintura:

Quedoulle xenial coa súa cor favorita! 😍

Outra cousiña da natureza que realizou foi transplantar as lentellas:

Está feito todo un agricultor!

Finalmente, hoxe realizou a súa rutina diaria de unha fichiña de matemáticas, neste caso, de sumar unidades e decenas empregando unha clave e axudándose co cadrante do 100...