ÚLTIMAS TAREFAS E A DESCANSAR!

-
Bos días familias, 

Esta entrada é a única que vou a realizar durante esta semana, xa que os pequenos/as están de vacacións de Semana Santa polo que se deberían relaxar máis con respecto ás tarefas, aínda que sigan facendo cousas coas que sempre se aprende como ler contos, axudar a cociñar contando alimentos, observar o que pasa o noso arredor, relacionarse coa familia, resolver conflitos, xogar,...

Dita publicación ten como obxectivo presentarvos as actividades que me mandaron algúns nenos/as durante este fin de semana.

Comezando pola primeira delas, resaltar a Antía que me mandou o arco da vella para conmemorar o día do Autismo:


Quedoulle xenial 😍.

Outra compañeira da aula que tamén me mandou o seu arco da vella foi Lucía, que segue traballando un montón:


A que é un arco da vella diferente pero súper BONITO e ORIXINAL? 😊.

Ademais disto, rematou o ovo de pascua que creou e fixo un cadro de Joan Miró (coa axuda da súa mamá que llo debuxou). Está feita toda unha artista!



Outras actividades que levou a cabo foi facer un cadro con papel de burbullas e coas mans, practicar origami creando distintos animais, debuxar uns raposos e facer unha lista de palabras co que ve dende a súa ventá:





Finalmente e como está feita toda unha chef axudoulle a mamá a facer unhas boliñas de patata con atún e unhas minimagdalenas (vestida co seu disfrace favorito, que é o de Elsa, co que tamén salta na súa cama elástica). Seguro que estaba riquísimo todo!!! 😋




Adrián Lago, outro neno da súa idade, tamén realiza moitas tarefas como unha sopa de letras co editor que vos compartira:



Tamén fixo un debuxo para min que me encanta 😍:


Finalmente, destacar a Cloe que tamén me mandou moitas cousiñas que estivo facendo esta semana. Algunhas delas foi realizar debuxos con acuarelas...





... representarse unha araña, crear unha casa e un tigre con plastilina...




...escribir sobre o seu animal favorito que é o tigre...



... repasar os números e as decenas, así como as palabras escribindo sobre o que ve dende a súa ventá...


... e facer origami creando distintos animais decorándoos despois:




A que vos encanta todo o que fixo? A min MOITÍSIMO 😍. Ademais, le contos, marca os días no calendario e axúdalle a mamá e a papá coas tarefas do fogar. Estou súper contenta con todo o que fai e o ben que o pon en práctica!! 

Para rematar, sinalar que esta semana tócalles descanso aos pequenos/as para empezar para a semana coas pilas cargadísimas!!! 


Unha superaperta aos meus 19 pequenos/as!!!





Comentarios

Publicar un comentario

Publicacións populares deste blog

RETO DIARIO E TAREFIÑAS

-
Imaxe
Bos días familias, Que tal? Como pasástedes o fin de semana? Aproveitástedes o tempo para xogar moito? E ir pasear? Vístedes as curtas? Espero que si a todas as preguntas e que esteades todos e todas xenial!  Comentarvos que hoxe fun ao colexio por primeira vez e doume moitísima pena non sentir as vosas risas, as vosas charlas antes de entrar na aula, vervos ir a todo correr para conseguir un bo sitio,... Oxalá isto remate pronto para poder volver, aínda que sexa a través da "nova normalidade". Atendendo ao RETO diario, o que vos propoño hoxe está relacionado coa lóxica-matemática, concretamente, consiste en realizar seriacións empregando materiais do voso redor. Queredes ver o meu? Agora tócavos a vós!  No referido ás TAREFAS , hoxe comezo por Lucía , a cal realizou unha lista escribindo ela distintas medidas para coidar a auga, así de ben 😊:  A maiores disto, realizou o reto da colonia... ... chegando a elaborar ao final tres, pois s...
Ler máis

NOVAS ACTIVIDADES E TAREFAS DOS PEQUENOS/AS!

-
Imaxe
Bos días familias, Que tal? Onte fóstedes dar o primeiro paseo cos pequenos/as despois de tanto tempo? Espero que si e que gozárades moito con el 😊. Hoxe, o reto que vos propoño son dúas pequenas actividades: - Xogar a buscar formas coas nubes aproveitando o paseo, coma estas: - Dar saltos cada certa cantidade de pasos, por exemplo, cada cinco, logo cada dez,... e así sucesivamente aumentando. Por outra banda, como ides con Van Gogh e a súa investigación? Envíovos un pequeno vídeo que fala del e da súa técnica artística: https://www.youtube.com/watch?v=N7DHaAqfKwE Comezando xa coas tarefas dos pequenos/as, Roi estívome mandando bastantes cousiñas de diferente tipo, como traballar os números co cadrante, escribindo a cantidade sinalada (era superdifícil e fíxoo xenial 😊) ou con algunha fichiña: Ao igual que os números, tamén realiza moitas actividades de lectoescritura como... ... traballar o abecedario facendo as letras con plasti...
Ler máis

OS PEQUENOS E PEQUENAS SEGUEN TRABALLANDO UN MONTÓN!

-
Imaxe
Bos días familias! Estes días chegáronme moitísimas fotografías de todo o que están facendo os nenos/as e que é moitísimo e super ben!!  Como estas últimas entradas, ensínovos algunhas das tarefas para que os nenos/as poidan ir sabendo algo dos seus compañeiros/as, aos cales botan seguro de menos, e para coller ideas para poder realizar vós tamén. En primeiro lugar, Adrián Lago realizou moitas actividades, algunha das cales foi manipulativa de contar decenas (encántanme 😍) e outras de problemas matemáticos, algo que se lle dá xenial pois é un crack cos números: Pola súa banda, Adrián Otero fixo moitísimas actividades de escritura con múltiple material, como podedes ver...                              ... realizou actividades de inglés, de matemáticas coa axuda dun ábaco, manualidades,... ... e unhas magdalenas que estaban de RECHUPET...
Ler máis