NOVAS ACTIVIDADES E TAREFAS DOS PEQUENOS/AS!

Bos días familias,

Que tal? Onte fóstedes dar o primeiro paseo cos pequenos/as despois de tanto tempo? Espero que si e que gozárades moito con el 😊.

Hoxe, o reto que vos propoño son dúas pequenas actividades:

- Xogar a buscar formas coas nubes aproveitando o paseo, coma estas:

nubes con formas extrañas - Imágenes en Taringa!

- Dar saltos cada certa cantidade de pasos, por exemplo, cada cinco, logo cada dez,... e así sucesivamente aumentando.

Por outra banda, como ides con Van Gogh e a súa investigación? Envíovos un pequeno vídeo que fala del e da súa técnica artística:

https://www.youtube.com/watch?v=N7DHaAqfKwE

Comezando xa coas tarefas dos pequenos/as, Roi estívome mandando bastantes cousiñas de diferente tipo, como traballar os números co cadrante, escribindo a cantidade sinalada (era superdifícil e fíxoo xenial 😊) ou con algunha fichiña:

Ao igual que os números, tamén realiza moitas actividades de lectoescritura como...

... traballar o abecedario facendo as letras con plastilina...

... realizar actividades das iniciais das palabras...

... e repasar as letras maiúsculas e minúsculas:

Xunto a isto, tamén fai moitas outras tarefas como axudar na casa a cociñar pelando os ovos cocidos, crear un mural, debuxar a portada dun conto que liu, facer a actividade proposta por Dani da ventá ou xogar coa plastilina:

Finalmente, comezou cunha das actividades de Van Gogh:

A que fixo moitísimas cousas esta semana? Encántame que traballe así de ben! 😍

Outra compañeira da mesma idade de Roi é Desiree, que tamén me mandou bastantes cousiñas das tarefas escolares que foi facendo. Entre elas, están:

- Realizar sumas, restas, asociación da cantidade e grafía,...:

- Relacionar as letras maiúsculas coas minúsculas, asociar palabras coas letras iniciais, practicar a escritura de varias letras,...:

- Compoñer crebacabezas:

- Recoñecer os mamíferos, aves e peixes:

- Comezar coas tarefas de Van Gogh, como é coa actividade das letras do seu nome:

Finalmente, fixo un biscoito para os compañeiros/as de traballo da súa mamá e díxome un paxariño que o comeron todo do rico que estaba 😋. Xenial!

Verdade que tamén traballou moitísimo? Encántame e que siga así de ben!! 😊

A mellor amiga de Desi é Sara que tamén está traballando un montón. Coma outros dos seus compañeiros, fixo a actividade do nome de Van Gogh:

Ademais, está traballando a relación entre as maiúsculas e minúsculas, as sumas, as series, así como as cores en inglés:

Finalmente, mandoume unha foto dun libro personalizable que está a colorear (tendes o enlace ao final da publicación) e unha receita caseira que ten moi boa pinta 😋. Unha supertarta!

Para rematar cos pequenos/as de 4 anos, sinalar a Carlota que tamén está realizando tarefas pero ela con dous libriños: un de lóxica-matemática e outro de sumas. Algunhas das actividades que fixo foi:

Traballa un montón! 😀

Comezando cos nenos/as de 5 anos, sinalar a Noa, que me encanta o ben que está traballando. Concretamente, está facendo fichas de lectura cos libros que está lendo. Encántame a idea! 😍

Xunto a isto, tamén está creando debuxos con acuarelas...

... e fixo unha lasaña que ten unha superpintaza! 😋

Para rematar con esta pequena, e coma todos os nenos/as, onte xa puido dar o seu primeiro paseo e foi ata a praíña con Lúa. Pasárono xenial! 😍

Pola súa banda, Lucía, fixo varias actividades de matemáticas, que se lle dan xenial, a que si? 😀

Ademais contoume súa nai que estiveron vendo Clan e colleron varias ideas como crear un volcán submarino e un peto reciclando unha botella. Tamén, viu o vídeo que enviou Paula, a profe de inglés, xogou as damas e viu Aladín.

A última das nenas de hoxe é Laura, que tamén está realizando moitas tarefiñas, algunha das cales son un pouco complicadas de máis, polo que o importante é ir segundo o nivel do pequeno/a e pouco a pouco.

Por exemplo, xoga a oca traballando así as sumas e a subitización, a espera da quenda, o cumprimento das regras,...