MOITÍSIMAS GRAZAS E NOVAS TAREFAS!

-
Bos días familias,

Que tal? Como van eses ánimos? Hai que pensar que cada día queda menos. 😀

En primeiro lugar, quería dicirvos que estou superorgullosa tanto dos pequenos/as porque son uns heroes e heroínas aguantando esta situación tan ben, como de vós, as familias que teño na aula, por participar tanto nas actividades que propoño e no blog. Moitísimas grazas de verdade!!

Hoxe comezo con Martiño, o cal me di a súa mamá que ten unha rutina diaria: unha lectura, unha ficha de letras minúsculas e unha ou dúas fichas de matemáticas ABN. Destacarvos a importancia dela para que os nenos/as teñan un marco seguro sobre o cal moverse podendo saber que hai que realizar en cada momento. Isto ademais axudará a que cando regresemos á escola siga coa rutina do traballo escolar diario. 
Ensínovos algunha tarefiña feitas por este pequeno como é o traballo das minúsculas a través dun xogo da tablet:



Ademais, Martiño quixo participar na proposta sobre o día do Libro (recordade que era mandar unha foto do neno/a coa cara tapada co seu libro favorito), elixindo como o seu preferido: A noite das mudanzas, conto que lemos moitas veces na aula e que lle gusta moito aos pequenos/as 😍.


Pola súa banda, Martín viu un experimento en Clan e púxoo en práctica. Este consistiu en facer cachiños de papel e logo aproveitando a electricidade estática collelos cun globo. 
Quedou alucinado! 😲 

Un dos mellores amigos de Martín, Adrián Lago, tamén continúa mandándome cousiñas que vai facendo como é xogar ao dominó en familia (encántame que pasedes o tempo xogando todos xuntos 😍):


Xunto a isto, realiza actividades de lectura e escritura, así como de matemáticas como é a realización dun cadrante do 100:



Gabriel tamén me sigue mandando cousiñas que vai facendo, aínda que cada vez estea máis canso (só un último empurrón que xa queda menos! 😊). Algunha actividade que fixo foi de números e de letras:




Para rematar, sinalar a Adrián Otero que realiza actividades moi diversas para traballar distintos contidos. Por exemplo, realiza actividades de inglés...




 ... de matemáticas a través de tapóns, en inglés...





... e de relacionar maiúsculas con minúsculas:


Tamén fai manualidades como estes animais tan bonitos...



... decora ovos de pascua...



... ou debuxa e pinta o arco da vella para animarnos.


Finalmente e como todos os pequenos/as da nosa clase que son moi lambóns, el fixo unhas magdalenas que teñen unha pinta exquisita (eu tamén quero! 😋).


Seguide traballando así de ben todos!

 19 bicazos e apertas!

Comentarios

Publicar un comentario

Publicacións populares deste blog

RETO DIARIO E TAREFIÑAS

-
Imaxe
Bos días familias, Que tal? Como pasástedes o fin de semana? Aproveitástedes o tempo para xogar moito? E ir pasear? Vístedes as curtas? Espero que si a todas as preguntas e que esteades todos e todas xenial!  Comentarvos que hoxe fun ao colexio por primeira vez e doume moitísima pena non sentir as vosas risas, as vosas charlas antes de entrar na aula, vervos ir a todo correr para conseguir un bo sitio,... Oxalá isto remate pronto para poder volver, aínda que sexa a través da "nova normalidade". Atendendo ao RETO diario, o que vos propoño hoxe está relacionado coa lóxica-matemática, concretamente, consiste en realizar seriacións empregando materiais do voso redor. Queredes ver o meu? Agora tócavos a vós!  No referido ás TAREFAS , hoxe comezo por Lucía , a cal realizou unha lista escribindo ela distintas medidas para coidar a auga, así de ben 😊:  A maiores disto, realizou o reto da colonia... ... chegando a elaborar ao final tres, pois s...
Ler máis

NOVAS ACTIVIDADES E TAREFAS DOS PEQUENOS/AS!

-
Imaxe
Bos días familias, Que tal? Onte fóstedes dar o primeiro paseo cos pequenos/as despois de tanto tempo? Espero que si e que gozárades moito con el 😊. Hoxe, o reto que vos propoño son dúas pequenas actividades: - Xogar a buscar formas coas nubes aproveitando o paseo, coma estas: - Dar saltos cada certa cantidade de pasos, por exemplo, cada cinco, logo cada dez,... e así sucesivamente aumentando. Por outra banda, como ides con Van Gogh e a súa investigación? Envíovos un pequeno vídeo que fala del e da súa técnica artística: https://www.youtube.com/watch?v=N7DHaAqfKwE Comezando xa coas tarefas dos pequenos/as, Roi estívome mandando bastantes cousiñas de diferente tipo, como traballar os números co cadrante, escribindo a cantidade sinalada (era superdifícil e fíxoo xenial 😊) ou con algunha fichiña: Ao igual que os números, tamén realiza moitas actividades de lectoescritura como... ... traballar o abecedario facendo as letras con plasti...
Ler máis

OS PEQUENOS E PEQUENAS SEGUEN TRABALLANDO UN MONTÓN!

-
Imaxe
Bos días familias! Estes días chegáronme moitísimas fotografías de todo o que están facendo os nenos/as e que é moitísimo e super ben!!  Como estas últimas entradas, ensínovos algunhas das tarefas para que os nenos/as poidan ir sabendo algo dos seus compañeiros/as, aos cales botan seguro de menos, e para coller ideas para poder realizar vós tamén. En primeiro lugar, Adrián Lago realizou moitas actividades, algunha das cales foi manipulativa de contar decenas (encántanme 😍) e outras de problemas matemáticos, algo que se lle dá xenial pois é un crack cos números: Pola súa banda, Adrián Otero fixo moitísimas actividades de escritura con múltiple material, como podedes ver...                              ... realizou actividades de inglés, de matemáticas coa axuda dun ábaco, manualidades,... ... e unhas magdalenas que estaban de RECHUPET...
Ler máis