RETO E TAREFIÑAS DOS NENOS/AS

Bos días familias, 

Esta nova entrada é para presentarvos o reto diario máis as tarefiñas que me foron enviando os pequenos/as entre onte e hoxe.

Comezando co RETO, hoxe trátase dunha manualidade super chula, un proxector artesanal! 😊

Primeiro, preséntovos os materiais que empreguei:

- Un vaso de un só uso.

- Papel transparente.

- Celo.

- Tesoiras.

- Rotuladores (mellor permanentes) para decorar.

A continuación, collín o vaso e corteille a parte de abaixo así:

Logo, recortei un círculo de papel transparente...

... e pegueino con celofán:

Finalmente, fíxenlle o debuxo:

Para poñelo en práctica, collín a lanterna do móbil e coloqueina dirixíndome cara o debuxo dende o outro lado:

É unha manualidade moi fácil de facer pero cun resultado moi chulo! Animádevos!

Atendendo xa ás TAREFIÑAS dos pequenos/as, hoxe comezo con Leo, o cal esta semana traballou un montón. Entre todas as actividades que fixo, están os retos que vos propoño diariamente como foi o das nubes, buscando un can...

... un cervo...

... ou a letra v:

Canta imaxinación! Encántame! 😍

Outro dos retos que realizou foi o de buscar cantidades, coma estas...

... e realizar logo varias actividades con elas:

A maiores, realizou o reto do conto inventado, cuxo título e personaxes son:

O conto narrado mandoumo a súa mamá e encantoume!😊

Xunto a todo isto, doulle tempo a facer algunhas fichas de matemáticas...

... a repasar as letras maiúsculas e minúsculas a través do abecedario...

... a continuar aprendendo sobre os animais e o mundo...

... e a aprender vocabulario en inglés!

Traballou un montón, a que si? 😊

Outra das pequenas de catro anos é Sara, que me comentou a súa mamá que foi pasear ata a praia e que realiza un montón de tarefas. Entre elas, está facer algunha fichiña de matemáticas axudándose de obxectos...

... e outra de escribir e relacionar maiúsculas con minúsculas:

Para rematar, mandoume unha foto onde se ve a casiña de bonecas con cartón reciclado que creou. Encántame! 😍

A mellor amiga de Sara, Desi, tamén me comentou que foi pasear a praia e que o pasou moi ben (mandoume un vídeo deste paseo mollando os pés e ata me emocionei véndoa a todo rirse, como vos boto de menos!) 😌. Ademais, fixo un montón de tarefas:

- O reto dos problemas de matemáticas e algunha fichiña de sumas:

- Algunha tarefiña para traballar a escritura das letras maiúsculas e minúsculas:

A que traballou un montón? Encántame! 😍

Atendendo xa aos pequenos/as de cinco anos, Noa fixo un dos retos que vos propuxera e que é o teatro de sombras. Fíxoo xenial e traballou un montón para conseguilo: recortou os títeres, fixo o teatrillo, creou o guión e representouno con axuda de mamá e papá! Non podo estar máis contenta! 😊

Outro reto que tamén puxo en práctica foi o de repasar as sombras:

Xunto con todo isto, liu os trabalinguas, construíu palabras...

... e fixo algunha actividade coa táboa do 100:

Segue así de ben! 😀

Pola súa banda, Lucía tamén está facendo algún dos retos que vos propuxen como é o circuito de onte. Ademais, continuou avanzando no mural de Van Gogh (agora escribiu cousiñas da súa vida), cada vez quédalle menos...

A maiores, realizou actividades escritas como de matemáticas...

... e de escritura de frases:

Para rematar, fixo un teléfono con iogures...

... e viu na clase de inglés de Clan as diferenzas nos cadros de Van Gogh. Xenial, segue traballando así de ben! 😍

Para rematar, Martiño mandoume un vídeo onde se ve que fixo o reto do circuito dentro da casa (encantoume) e unha gravación dicindo o trabalinguas. Fixo xenial ambas cousas!! 😍😍

Ademais, estivo facendo crebacabezas de Van Gogh na dirección que me mandara a mamá de Noa:

Seguro que os está facendo de marabilla! 

Espero que me sigades mandando todos e todas cousiñas tan chulas!

19 superapertas!